Xehetasunak

AEE/EIEra ongi etorria eman diogu Mónica García Saizi.

Idazketaren, gai erromantikoa duten istorioen eta irakaskuntzaren zale amorratua da Barakaldar hau.

Berak irakurri nahi izango lituzkeen trama motak jendeak irakurri nahi dituenak baino idazten dituela ziurtatzen du.

Gazterik hasitako idazlea, duela 7 urte sartu zen Wattpad plataforman eta gutxinaka gutxinaka bertan hazten joan da milaka jarraitzaile eta bere argitalpenen milioika bisita eduki arte.

Bertan “Polos Opuestos”, “Amor Enredado” trilogia eta “Dulce Mirada” bezalako obrak argitaratu ditu. Gaur egun “No es un cuento de hadas” liburuaren ondorengoan lanean dihardu, “No es una historia de amor” izenburuarekin eta “Alas” trilogiaren baitan.

“Amor enredado” bere trilogiaren lehen bi liburuak autoargitaratu ditu jada eta 2021ean “Baile” bilogia argitaratzeko asmoa du.

Bere denbora librean irakurtzea, idaztea, musika entzutea, bere lagunekin irtetea eta arku-tiroa atsegin ditu. Bere irakurleekin harremanetan egotea gustatzen zaio ere, haien aldetik jasotzen duen babesa asko eskertuz.

 

Xehetasunak

Euskadiko Idazleen Elkartera ongietorria eman diogu Portugaleten (Bizkaia) jaiotako Imanol Bueno Bernaola idazle eta argazkilariari.

Literaturari dagokionez, “Araba, mitos, creencias y tradiciones” liburua argitaratu du (Aitor Ventureira San Miguelekin batera), bai eta Muskizeko udalerriko kontsumo arduratsurako gida bat ere, bertan bizi baita.

Poesia liburu ugari idatzi ditu ere eta bere olerkietako batzuk aldizkari ezberdinetan jaso izan dira, bai eta Bizkaiko Elkarte Artistikoak argitaratzen duen “Páginas de Interior” antologian ere.

Gainera, Imanol Buenok fotokazetaritza sozial lan nabarmenak burutu ditu ere. Alor honetan argazkilaritza dokumentaleko proiektu ugaritan egin du lan, bai eta elkarlanean egindako “La Puerta Cerrada, 26 voces contra la indiferencia" liburuan ere, Lesboseko uharte grekoko errefuxiatuengan fokatua, edo “Olvidados”, bertan bere objektiboa Balkanetako errefuxiatu gazteengan jarriz.

Ekopazifista eta etnografiaren zale amorratua, ingurumenarekin eta giza eskubideekin harremana duten proiektu ezberdinetan murgilduta dago gaur egun.

 

Xehetasunak

Gaurtik aurrera, pasa den irailaren 10 eta 11 egunetan gehienbat formatu digitalean egin ziren #Egilea20 Jardunaldien Memoria kontsultatzeko aukera egongo da.

Euskadiko Idazleen Elkartearen web orrialde nagusian esteka duen dokumentu honetan ‘Egilea argitalpen mundu berrian’ VII Jardunaldiei buruzko informazio guztia dago eskuragai.

Dokumentu horretan programa, ondorioak, jarduera nagusietara estekak eta topaketa honen kronika azaltzen dira, bai eta zenbait irudi eta komunikabide zein sare sozialen bitartez jasotako estaldura ere. 

Xehetasunak

 

Aurten ere, Euskadiko Idazleen Elkarteak bere espazio propioa edukiko du 50BLAn, bere bazkideen argitalpen berrien banaketa eta sinadurarako gune bihurtuz.

Urriaren 1etik 11ra Bilboko Liburu Azokaren edizio berri bat egingo da Areatzan. Covid-19aren pandemiak Bizkaiko hiriburuko liburuaren eta irakurketaren festa handiaren ohiko datak aldatu ditu.

Xehetasunak

2020ko Egilearen Jardunaldien markoan obren sorkuntzan eta promozioan oinarrituriko hiru formazio tailer programatu dira.

Tailer hauek formatu digitalean egin dira eta doakoak izan dira egileentzako, Cedro-ren babesari esker.

Pasa den asteko ostegun eta ostiralean hiru tailer hauetako azkena egin zen.

Honakoan, Luis Ángel Ramírez, Kubelik Films eta Imval Producciones-eko kide fundatzaile eta Espainiako Zinema Akademiako kidea izan zen pitching-a, edo literatura istorio bati buruzko obra edo ikus-entzunezko proiektu bat aurkezteko arteari buruz bi saioko tailerra gidatzeko arduraduna.

Jarraian tailer horren ondorio nagusiak azaltzen ditugu: